Racial exclusion of voters is a call to the culture of the country

മുക്കം : ബിഹാറിൽ വോട്ടർ പട്ടിക പുതുക്കലിലൂടെ ദലിതർ, ആദിവാസികൾ, മുസ്ലീങ്ങൾ ഉൾപ്പെടെയുള്ള 20% വോട്ടർമാരെ പുറത്താക്കിയത് വംശീയമായ ഒഴിവാക്കലാണെന്നും, ഇത് രാജ്യത്തിന്റെ സംസ്കാരത്തോടുള്ള വെല്ലുവിളിയാണെന്നും വെൽഫെയർ പാർട്ടി ജില്ലാ വൈസ് പ്രസിഡണ്ട് ഷംസുദ്ദീൻ ചെറുവാടി പറഞ്ഞു.

വെൽഫെയർ പാർട്ടി പുൽപറമ്പ് ,ചേന്ദമംഗല്ലൂർ പൊറ്റശ്ശേരി യൂണിറ്റുകൾ സംയുക്മാമായി പുൽപറമ്പിൽ സംഘടിപ്പിച്ച 'പൗരത്വം തന്നെയാണ് സ്വാതന്ത്ര്യം' സ്വാതന്ത്ര്യ ദിന സദസ്സ് ഉദ്ഘാടനം ചെയ്ത് സംസാരിക്കുകയായിരുന്നു അദ്ധേഹം.

ഇന്ത്യയുടെ ദേശീയത അതിന്റെ വൈവിധ്യത്തിലാണ് അധിഷ്ഠിതമായിരിക്കുന്നതെന്നും, ‘നാനാത്വത്തിൽ ഏകത്വം’ എന്ന ആശയമാണ് നമ്മുടെ രാജ്യത്തിന്റെ അടിത്തറയെന്നും അദ്ദേഹം പറഞ്ഞു. ‘ഒരു രാജ്യം, ഒരു സംസ്കാരം, ഒരു ഭാഷ’ എന്ന ഫാസിസ്റ്റ് ആശയങ്ങൾ രാജ്യത്തിന്റെ ബഹുത്വത്തെ തകർക്കുന്നുവെന്ന് അദ്ദേഹം വിമർശിച്ചു. ഒരു വ്യക്തിയുടെ അവകാശങ്ങളും സ്വാതന്ത്ര്യവും പൗരത്വത്തിന്റെ അടിസ്ഥാനത്തിലാണ് നിർണ്ണയിക്കപ്പെടുന്നതെന്നും, ഇന്ത്യയിൽ ജനനം മാത്രമാണ് പൗരത്വത്തിന്റെ മാനദണ്ഡമെന്നും അദ്ദേഹം ഓർമ്മിപ്പിച്ചു. പുൽപറമ്പ് യൂണിറ്റ് പ്രസിഡണ്ട് എൻ പി കരീം അദ്ധ്യക്ഷത വഹിച്ചു ,സാംസ്കാരിക സാമൂഹിക മേഖലയിലെ പ്രവർത്തകരായ

ടി. അബ്ദുള്ള മാസ്റ്റർ, മുസ്തഫ എം.കെ., നാസർ സെഞ്ച്വറി, കൗൺസിലർ അബ്ദുൽ ഗഫൂർ എ ,നൗഷാദ് ടി.കെഎന്നിവർ സംസാരിച്ചു.. ഇ.കെ.കെ. ബാവ, കുട്ടിഹസ്സൻ, ജമാൽ, യൂനുസ് എന്നിവർ പരിപാടികൾക്ക് നേതൃത്വം നൽകി.

Tags:

enlightmedia,malayalamnews,kerala,latestnews