Parappanangadi Municipality inaugurated the work of rehabilitation centre for disabled children.

പരപ്പനങ്ങാടി : പരപ്പനങ്ങാടി നഗരസഭയുടെ 2025-26 വാർഷിക പദ്ധതിയിൽ ഉൾപെടുത്തി ചാപ്പപ്പടിയിൽ ആരംഭിക്കുന്ന ഭിന്നശേഷി കുട്ടികൾക്കായുള്ള റിഹാബിലിറ്റേഷൻ സെന്ററിന്റെ പ്രവർത്തി ഉദ്ഘാടനം നഗരസഭ ചെയർമാൻ പി പി ഷാഹുൽ ഹമീദ് നിർവഹിച്ചു. കൗൺസിലർ അബ്ദുൽ റസാഖ്

തലക്കലകത്ത് അധ്യക്ഷത വഹിച്ചു.

പരപ്പനങ്ങാടി നഗരസഭയിൽ 100 ൽ അധികം ഭിന്നശേഷി കുട്ടികളുണ്ട്.

അവരിൽ ഒക്കുപ്പേഷൻ തെറാപ്പി ചെയ്യുന്നവരാണ് കൂടുതൽ കുട്ടികളും.

സ്വകാര്യ സ്ഥാപനങ്ങളിൽ ഭീമമായ തുക ചിലവാക്കിയാണ് അവരിൽ എല്ലാവരും തെറാപ്പി ചെയ്ത് കൊണ്ടിരിക്കുന്നത്.

കൂടുതൽ കുട്ടികളും വളരെ പാവപെട്ട കുടുംബത്തിലെ കുട്ടികളാണ്.

ദിവസവും തെറാപ്പി ചെയ്യാൻ വലിയ ഫീസ് നൽകി തെറാപ്പി ചെയ്യാൻ സാധിക്കാറില്ല.

പരിവാർ അടക്കമുള്ള സംഘടനകളാണ് ആദ്യമായി ഇത് തുടങ്ങണമെന്ന് ആവശ്യം ഉന്നയിച്ചത്.

ഫിസിയോ തെറാപ്പിയും ഇതിന്റെ ഭാഗമായി വരുന്നുണ്ട്. റിഹാബിലിറ്റേഷൻ സെന്ററിന്റെ വർക്ക് പൂർത്തിയാകുന്നതോട് കൂടി ഭിന്നശേഷി കുട്ടികൾക്ക് വലിയ ആശ്വാസമാകും. 20 ലക്ഷം രൂപ ഈ പദ്ധതിക്കായി നീക്കി വെച്ചിട്ടുണ്ട്.

വിവിധ സ്റ്റാൻഡിങ്ങ് കമ്മിറ്റി ചെയർപേഴ്സന്മാരായ സീനത്ത് ആലിബാപ്പു, വി കെ സുഹറ ടീച്ചർ,

ഖൈറുന്നിസ താഹിർ, പി വി മുസ്തഫ,

മുൻ ഡെപ്യുട്ടി ചെയർപേഴ്സൻ കെ ഷഹർബാനു എന്നിവർ ആശംസകൾ പറഞ്ഞു. പരിവാറിനെ പ്രതിനിധീകരിച്ച് കൊണ്ട് ലത്തീഫ് തെക്കേപാട്ട്, മുജീബ്,

പി അബ്ദുറബ്ബ്, ഷറഫു വൈ പി, ഫവാസ് എം പി കോയ പഴയക്കണ്ടത്തിൽ എന്നിവർ പങ്കെടുത്തു.

Tags:

enlightmedia,malayalamnews,kerala,latestnews