Oman Pravasi Association privilege Card

മസ്‌കറ്റ്: ഒമാൻ പ്രവാസി അസോസിയേഷൻ വാട്സ്‌അപ്പ് ഗ്രൂപ്പ് അംഗങ്ങൾക്ക് പ്രത്യേക ചികിത്സ ഇളവ് ലഭ്യമാകുന്ന പ്രിവിലേജ് കാർഡ് എഗ്രിമെന്റിൽ, ഒമാനിലെ പ്രശസ്ത ഹോസ്പിറ്റൽ ഗ്രൂപ്പായ ബദർ അൽ സമാ ഹോസ്പിറ്റൽ ഒപ്പുവെച്ചു.

മസ്കറ്റ് റൂവിയിലെ ബദർ അൽ സമാ ഹോസ്പിറ്റൽ ഹെഡ് ഓഫീസിൽ വച്ച് നടന്ന ചടങ്ങിൽ എക്സിക്യൂട്ടീവ് ഡയറക്ടർ മൊയ്തീൻ ബിലാലും, ഒമാൻ പ്രവാസി അസോസിയേഷൻ പ്രസിഡന്റ് വിജി തോമസ് വൈദ്യനും ചേർന്നാണ് എഗ്രിമെന്റിൽ ഒപ്പുവച്ചത്.

ഒമാനിലെ എല്ലാ വിഭാഗം മലയാളി പ്രവാസികളെയും ഉൾകൊള്ളുന്ന ഒമാൻ പ്രവാസി അസോസിയേഷൻ അംഗങ്ങൾക്ക് പ്രത്യേക ചികിത്സ ഇളവ് ലഭ്യമാകുന്ന പദ്ധതി പ്രവാസി മലയാളികൾക്ക് ആരോഗ്യ മേഖലയിൽ ഏറെ ഉപകാരപ്രദമാകുമെന്ന് എക്സിക്യൂട്ടീവ് കമ്മിറ്റി അംഗങ്ങൾ അഭിപ്രായപെട്ടു.

മലയാളി മാനേജ്‍മെന്റിന്റെ കീഴിൽ പ്രവർത്തിക്കുന്ന ഒമാനിലെ ഏറ്റവും കൂടുതൽ ബ്രാഞ്ചുകളുള്ള എല്ലാ ബദർ അൽ സമാ ഹോസ്പിറ്റലുകളിലും ഇനി മുതൽ ഒമാൻ പ്രവാസി അസോസിയേഷൻ പ്രിവിലേജ് കാർഡുള്ള അംഗങ്ങൾക്ക് ചികിത്സ ഇളവ് ലഭ്യമാകും.

മലയാളി പ്രവാസി സമൂഹത്തിനോടുള്ള കടമയും കടപ്പാടിന്റെയും ഭാഗമായാണ് സാധാരണക്കാരായ പ്രവാസികൾക്ക് ഏറെ ഉപകാരപ്രദമാകുന്ന ചികിത്സാ ഇളവ് ലഭ്യമാകുന്ന എഗ്രിമെന്റിൽ ഒപ്പുവെച്ചത് എന്ന് ബദർ അൽ സമാ മാനേജ്മെന്റ് അറിയിച്ചു.

ചടങ്ങിൽ ഫിനാൻസ് & കോർപ്പറേറ്റ് അഭെയേർസ് ഡയറക്ടർ ആൽവിൻ ജോർജ്, സോണൽ മാർക്കറ്റിങ് ഹെഡ് ഷിംജിത്, ഒമാൻ പ്രവാസി അസോസിയേഷൻ വൈസ് പ്രസിഡന്റ് ജസീം കരിക്കോട്, അഡ്മിന്മാരായ അൻസാർ, ഷാജഹാൻ, ബിനു വില്ലോത്, വിജോ ജോയ്, സുജിത്, അഷറഫ്, നിഷാ പ്രഭാകരൻ എന്നിവർ സന്നിഹിതരായിരുന്നു.

റിപ്പോർട്ട്: ഷാർഗി ഗംഗാധർ

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

YouTube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕

Tags:

Oman Pravasi Association signs privilege Card agreement