Increase in prices of everyday commodities; Congress marches and dharnas to copper Maveli store.

ചെമ്പ്: സബ്സീഡി ഇനങ്ങൾ ഉൾപ്പടെയുള്ള നിത്യോപയോഗ സാധനങ്ങൾ സാധാരണക്കാർക്ക് ലഭ്യമാക്കാതെ മാവേലി സ്റ്റോറുകൾ നോക്കുകുത്തിയായി മാറിയെന്നും ഇടത് ഭരണത്തിൽ കേരളം മയക്കുമരുന്ന് സുലഭമായി ലഭിക്കുന്ന നാടായി മാറുകയാണ് ചെയ്തതെന്നും ജില്ലാ കോൺഗ്രസ് കമ്മറ്റി പ്രസിഡൻ്റ് നാട്ടകം സുരേഷ് പറഞ്ഞു. സാധാരണക്കാർക്ക് നിത്യോപയോഗ സാധനങ്ങൾ കുറഞ്ഞവിലയിൽ ലഭ്യമാക്കേണ്ട പൊതുവിതരണ കേന്ദ്രങ്ങളെ തകർക്കുന്ന സർക്കാർ നിലപാടിൽ പ്രതിഷേധിച്ച് ചെമ്പ് മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ ചെമ്പ് മാർക്കറ്റിലെ മാവേലി സ്റ്റോറിന് മുന്നിൽ നടന്ന പ്രതിക്ഷേധ ധർണ്ണ ഉദ്ഘാടനം ചെയ്യുകയായിരുന്നു അദ്ദേഹം. റാഗിംങ്ങിനും ക്രൂരപീഡനത്തിനും ഇരയാക്കുന്നവരായി സി പി എം യുവജന സംഘടനാ നേതാക്കൾ മാറിയെന്നും കേരളത്തിലെ സമാധാനം തകർക്കുന്ന ഭരണം ഇത്തരത്തിൽ മുന്നോട്ട് കൊണ്ടു പോകുവാൻ ഒരിക്കലും അനുവദിക്കില്ലെന്നും അദ്ദേഹം അഭിപ്രായപ്പെട്ടു. മണ്ഡലം പ്രസിഡൻ്റ് കെ.ജെ സണ്ണി അധ്യക്ഷത വഹിച്ചു. മുൻ കെ പി സി സി അംഗം എൻ.എം താഹ, ഡിസിസി ജനറൽ സെക്രട്ടറി പി.വി. പ്രസാദ്, ബ്ലോക്ക് കോൺഗ്രസ് വൈസ് പ്രസിഡൻ്റ് എസ്.ജയപ്രകാശ്, എൻ.സി തോമസ്, ടി.വി സുരേന്ദ്രൻ, റെജി മേച്ചേരിൽ, ടി.പി അരവിന്ദാക്ഷൻ, സി.എസ് സലിം, രാഗിണി ഗോപി, റഷീദ് മങ്ങാടൻ, മോഹൻ തോട്ടുപുറം, പോൾ തോമസ്, പി.ഡി ജോർജ്ജ്, ടി.കെ വാസുദേവൻ തുടങ്ങിയവർ പ്രസംഗിച്ചു. ധർണ്ണയ്ക്ക് മുന്നോടിയായി മുറിഞ്ഞപുഴയിൽ നിന്നും ആരംഭിച്ച പ്രതിക്ഷേധ മാർച്ച് മണ്ഡലം പ്രസിഡൻ്റിന് പതാക കൈമാറി ബ്ലോക്ക് കോൺഗ്രസ് പ്രസിഡൻ്റ് എം.കെ ഷിബു ഉദ്ഘാടനം ചെയ്തു. രമണി മോഹൻദാസ്, ലയചന്ദ്രൻ, കരിം കാട്ടാമ്പള്ളിൽ, മോനു ഹരിദാസ്, മോഹനൻപാണ്ടശ്ശേരി, സാധു മോൻ പി.എസ്, സമദ്, സോമൻ ഇത്തിത്തറ, കെ.ഡി സന്തോഷ് കുമാർ, കെ.ആർ ശിവൻ, പി.പി ഹരിദാസ് തുടങ്ങിയവർ മാർച്ചിന് നേതൃത്വം നൽകി. നൂറ് കണക്കിന് പ്രവർത്തകർ പ്രതിക്ഷേധ സമരത്തിൽ അണിനിരന്നു.