Tue Dec 12, 2023 10:56 PM 1ST

Location  

Sign In

ശിവരാത്രി നാളില്‍ വ്രതം നോറ്റ് എത്തിയ ഭക്തര്‍ ശ്രീകോവിലില്‍ പ്രവേശിച്ച് അഭിഷേകം നടത്തി

26 Feb 2025 20:02 IST

Kodakareeyam Reporter

Share News :



മൂന്നുമുറി: ശിവരാത്രി ആഘോഷങ്ങളുടെ ഭാഗമായി ഒമ്പതുങ്ങല്‍ ശ്രീസുബ്രഹ്മണ്യസമാജം കൈലാസശിവക്ഷേത്രത്തില്‍ നടന്ന സമൂഹാഭിഷേകത്തില്‍ നൂറുകണക്കിനു ഭക്തര്‍ പങ്കെടുത്തു. കേരളത്തില്‍ തന്നെ അപൂര്‍വമായി ഭക്തര്‍ ശ്രീകോവിലില്‍ പ്രവേശിച്ച് നേരിട്ട് അഭിഷകം നടത്തുന്ന വിശഷപ്പെട്ട ചടങ്ങാണ് കൈലാസ ശിവക്ഷേത്രത്തിലെ സമൂഹാഭിഷേകം. ഒരാഴ്ചത്തെ വ്രതമെടുത്ത് എത്തുന്ന ഏതൊരാള്‍ക്കും ശിവരാത്രി നാളില്‍ ജാതി മത ഭേദമില്ലാതെ ശ്രീകോവിലില്‍ പ്രവേശിച്ച് ശിവനെ അഭിഷേകം ചെയ്യാനാകും എന്നതാണ് ഇവിടത്തെ പ്രത്യേകത. കോടശേരി മലയുടെ താഴ്വാരത്തുള്ള ക്ഷേത്രത്തില്‍ പുലര്‍ച്ചെ നടതുറന്നതു മുതല്‍ ഭക്തജനങ്ങളുടെ തിരക്കായിരുന്നു. രാവിലെ ഒമ്പതുമുതല്‍ ആരംഭിച്ച സമൂഹാഭിഷേകം ഉച്ചക്ക് ഒന്നുവരെ നീണ്ടുനിന്നു.മഹാഗണപതിഹോമം, മഹാമൃത്യുഞ്ജയ ഹോമം, അലങ്കാരപൂജ,അന്നദാനം ചതുര്‍യാമപൂജകള്‍ എന്നിവയും ശിവരാത്രി ആഘോഷത്തിന്‍രെ ഭാഗമായി ക്ഷേത്രത്തില്‍ നടന്നു. തന്ത്രി പ്രതിനിധി മണികണ്ണന്‍ ശാന്തി, മേല്‍ശാന്തി കുട്ടന്‍ ശാന്തി എന്നിവര്‍ ചടങ്ങുകള്‍ക്ക് കാര്‍മികത്വം വഹിച്ചു.  ശ്രീ സുബ്രഹ്മണ്യസമാജം ഭാരവാഹികളായ ഷീല വിപിനചന്ദ്രന്‍ ,ഉണ്ണികൃഷ്ണന്‍ ചെമ്പകശേരി, ശ്രീജിത്ത് കളപ്പുരക്കല്‍ എന്നിവര്‍ ആഘോഷ പരിപാടികള്‍ക്ക് നേതൃത്വം നല്‍കി.


Follow us on :

More in Related News