Congress activist convention enthusiastically held in Unanam; inaugurated by KP Shahjahan

പരപ്പനങ്ങാടി : വരാനിരിക്കുന്ന രാഷ്ട്രീയ വെല്ലുവിളികളെ നേരിടാൻ സജ്ജമായി ഉള്ളണം ഏരിയയിലെ കോൺഗ്രസ് പ്രവർത്തകർ. ഇന്ത്യൻ നാഷണൽ കോൺഗ്രസ് ഉള്ളണം ഏരിയയിലെ 8, 9, 10, 11, 12 വാർഡുകളുടെ സംയുക്ത ആഭിമുഖ്യത്തിൽ സംഘടിപ്പിച്ച പ്രവർത്തക കൺവെൻഷൻ രാഷ്ട്രീയ പ്രാധാന്യം കൊണ്ട് ശ്രദ്ധേയമായി.

ഉള്ളണം തൈലപ്പടിയിലെ പി.ഒ. അബ്ദുൽ വഹാബിന്റെ വസതിയിൽ വെച്ച് നടന്ന സംഗമം ഡി.സി.സി അംഗം കെ.പി ഷാജഹാൻ ഉദ്ഘാടനം ചെയ്തു. പാർട്ടി പ്രവർത്തനങ്ങൾ കൂടുതൽ ഊർജ്ജിതമാക്കുന്നതിനും, ഏകോപിപ്പിക്കുന്നതിനും വേണ്ടിയാണ് അഞ്ച് വാർഡുകളെ ഉൾപ്പെടുത്തിക്കൊണ്ടുള്ള ഈ വിപുലമായ കൺവെൻഷൻ സംഘടിപ്പിച്ചത്.

വാർഡുകളിൽ നടപ്പിലാക്കിക്കൊണ്ടിരിക്കുന്നതും വരാനിരിക്കുന്നതുമായ വികസന പ്രവർത്തനങ്ങളെക്കുറിച്ച് കൗൺസിലർ അക്ഷിത ടീച്ചർ വിശദീകരിച്ചു. പ്രാദേശിക തലത്തിൽ പാർട്ടിയെ ശക്തിപ്പെടുത്തുന്നതിനുള്ള ക്രിയാത്മകമായ ചർച്ചകൾക്കും കൺവെൻഷൻ വേദിയായി.

മേഖലയിലെ നിരവധി കോൺഗ്രസ് പ്രവർത്തകരുടെ സാന്നിധ്യം കൊണ്ട് കൺവെൻഷൻ ആവേശഭരിതമായി. വരാനിരിക്കുന്ന രാഷ്ട്രീയ സാഹചര്യങ്ങളെ ഐക്യത്തോടെ നേരിടുമെന്ന പ്രഖ്യാപനത്തോടെയാണ് കൺവെൻഷൻ സമാപിച്ചത്.

പി.ഒ. അബ്ദുൽ വഹാബ് അധ്യക്ഷത വഹിച്ച ചടങ്ങിൽ പി.കെ മോഹനൻ, അനിൽ മാഷ്, സുധീഷ് പി, അഷിത ടീച്ചർ.

മമ്മസൻ കുട്ടി അത്തക്കകത്, സലിം, കുഞ്ഞാവ അത്തക്കകത്. എന്നിവർ സംസാരിച്ചു. ഉണ്ണി സ്വാഗതവും,

ഷഫീഖ് ഉള്ളണം നന്ദിയും പറഞ്ഞു.

Tags:

enlightmedia,malayalamnews,kerala,latestnews