Chavakkad Manathala kanakkott Alp School PTA General Bodymeeting and Endowment Distribution...

ചാവക്കാട്:മണത്തല കാണക്കോട്ട് എഎൽപി സ്കൂൾ പിടിഎ ജനറൽ ബോഡിയോഗവും എൻഡോവ് മെന്റ് വിതരണവും നെടിയേടത്ത് ഹാളിൽ വെച്ച് നടന്നു.ചാവക്കാട് നഗരസഭ ചെയർപേഴ്‌സൺ ഷീജ പ്രശാന്ത് പരിപാടി ഉദ്ഘാടനം ചെയ്തു.ചാവക്കാട് നഗരസഭ 18-ആം വാർഡ് കൗൺസിലർ സ്മൃതി മനോജ് അധ്യക്ഷത വഹിച്ചു.സ്കൂൾ പ്രധാനധ്യാപിക സി.ആർ.ഹിമ ടീച്ചർ സ്വാഗതം പറഞ്ഞു.എൽഎസ്എസ് നേടിയ വിദ്യാർത്ഥികളെയും,പ്ലസ് ടൂ പരീക്ഷയിൽ ഫുൾ എപ്ലസ് നേടിയ വിദ്യാർത്ഥികളെയും അനുമോദിച്ചു.ക്യാഷ് അവാർഡും നൽകി.നെടിയേടത്ത് വിദ്യാസാഗർ(നാസ,യുഎസ്എ)കൊല്ലംതോറും ഏർപ്പെടുത്തിയിട്ടുള്ള നെടിയേടത്ത് കാർത്ത്യായനി മെമ്മോറിയൽ എൻഡോവ്മെന്റ് വിതരണം എൻ.എസ്.രത്നകുമാർ നിർവഹിച്ചു.കെ.ടി.സുരേന്ദ്രൻ മെമ്മോറിയൽ എൻഡോവ്മെന്റ് വിതരണവും,പ്രശസ്ത ചിത്രകാരൻ പ്രവിലാസിനെ ആദരിക്കലും സ്കൂൾ മാനേജർ എ.കെ.സതീരത്നം ടീച്ചർ നിർവഹിച്ചു.പിടിഎ പ്രസിഡൻറ് കെ.എച്ച്.സലാം,എം പിടിഎ പ്രസിഡൻറ് ശ്രീജി സുഭാഷ്,സ്കൂൾ മുൻ പ്രധാനധ്യാപികമാരായ വാസന്തി ടീച്ചർ,രഞ്ജിനി ടീച്ചർ,ഒഎസ്എ പ്രസിഡൻറ് എ.എ.മഹേന്ദ്രൻ,സെക്രട്ടറി കെ.എസ്.അനിൽ എന്നിവർ സംസാരിച്ചു.സ്റ്റാഫ് സെക്രട്ടറി കെ.എസ്.ബീന നന്ദി പറഞ്ഞു.പുതിയ പിടിഎ ഭാരവാഹികളെയും തെരഞ്ഞെടുത്തു.