ബേബി മെമ്മോറിയൽ ഹോസ്പിറ്റലിന്റെ (BMH) അഭിമാനകരമായ കമ്മ്യൂണിറ്റി എമർജൻസി തയ്യാറെടുപ്പ് പ്രസ്ഥാനമായ 'ലൈഫ്‌ലൈനർ' (LifeLinER) അടുത്ത ഘട്ടത്തിന്റെ ഉത്ഘാടനം ഡോ. കെ ജി അലക്സാണ്ടർ, ചെയർമാൻ & മാനേജിംഗ് ഡയറക്ടർ, ബിഎംഎച്ച് ഉം ഡോ. വേണുഗോപാലൻ, ചെയർമാൻ, എമർജൻസി മെഡിസിൻ, മൈത്ര ഹോസ്പിറ്റലും ചേർന്ന് നിർവഹിക്കുന്നു. ഡോ. അനന്ത് മോഹൻ പൈ, ക്ലസ്റ്റർ സിഇഒ, ബിഎംഎച്ച്, ഡോ. ഫാബിത് മൊയ്തീൻ, ക്ലസ്റ്റർ ഹെഡ് (കേരള) - എമർജൻസി മെഡിസിൻ, ബിഎംഎച്ച്, ഡോ. നിഹാജ് ജി മുഹമ്മദ്, സിഇഒ, മൈത്ര ഹോസ്പിറ്റൽ — ഗ്രൂപ്പ് തുടങ്ങിയവർ സമീപം

കോഴിക്കോട് : ബേബി മെമ്മോറിയൽ ഹോസ്പിറ്റലിന്റെ (BMH) സാമൂഹ്യ അടിയന്തര ജീവൻ രക്ഷാ പ്രസ്ഥാനമായ 'ലൈഫ്‌ലൈനർ' (LifeLinER) അടുത്ത വർഷത്തിനകം 3 ലക്ഷം ആളുകൾക്ക് ജീവൻ രക്ഷ പരിശീലനം നൽകുമെന്ന് ചെയർമാൻ & മാനേജിംഗ് ഡയറക്ടർ ഡോ. കെജി അലക്സാണ്ടർ പറഞ്ഞു. . ജനങ്ങളുടെ അടിയന്തര പ്രതികരണ ശേഷി ശക്തിപ്പെടുത്തുന്നതിനായി ലക്ഷ്യമിട്ടുള്ള ഈ പദ്ധതി, ഇതിനോടകം രാജ്യത്തുടനീളം 30,000-ത്തിലധികം ആളുകൾക്ക് ജീവൻരക്ഷാ പരിശീലനവും അവബോധവും നൽകിക്കഴിഞ്ഞു.

ആദ്യ വർഷത്തിൽ, ലൈഫ്‌ലൈനർ 407-ലധികം പരിശീലന സെഷനുകൾ സംഘടിപ്പിക്കുകയും ഇന്ത്യയിലുടനീളമുള്ള 347 സ്ഥാപനങ്ങളുമായി സഹകരിക്കുകയും ചെയ്തു. കേരളത്തിൽ യുവാക്കളെ കേന്ദ്രീകരിച്ചായിരുന്നു പ്രധാനമായും പ്രവർത്തനങ്ങൾ നടന്നത്. സ്‌കൂളുകൾ, കോളേജുകൾ, ആരോഗ്യ സ്ഥാപനങ്ങൾ, സർക്കാർ സംവിധാനങ്ങൾ, പോലീസ് വകുപ്പുകൾ, ആംബുലൻസ് ജീവനക്കാർ, എൻ.ജി.ഒകൾ, പ്രാദേശിക കൂട്ടായ്മകൾ എന്നിവയെ ഏകോപിപ്പിച്ചുകൊണ്ട് അടിയന്തര തയ്യാറെടുപ്പിന്റെ സംസ്‌കാരം ജനങ്ങൾക്കിടയിൽ വളർത്തിയെടുക്കാൻ ഈ സംരംഭത്തിന് സാധിച്ചു.

ഒന്നാം വിവാഹ വാർഷിക ദിനത്തിൽ ഭർതൃവീട്ടുകാരുടെ മുന്നിൽ വെച്ച് ആസിഡ് കുടിച്ച് യുവതി ജീവനൊടുക്കി

പദ്ധതിയുടെ അടുത്ത ഘട്ടത്തിൽ ലൈഫ്‌ലൈനർ 2.0 (LifeLinER 2.0), ബി.എം.എച്ച് ഗ്രൂപ്പിന്റെ കീഴിലുള്ള മെയ്ത്ര ഹോസ്പിറ്റൽ, നരുവി ഹോസ്പിറ്റൽസ്, സ്റ്റാർ ഹോസ്പിറ്റൽസ് എന്നിവയിലേക്കും വ്യാപിപ്പിക്കും. ജനകീയ പങ്കാളിത്തത്തോടെയുള്ള എമർജൻസി റെസ്‌പോൺസ് ഇക്കോസിസ്റ്റം ശക്തിപ്പെടുത്തുകയാണ് ഇതിലൂടെ ലക്ഷ്യമിടുന്നത്.

ഇതിനുപുറമെ, സ്കൂളുകൾക്കായി പ്രത്യേക സുരക്ഷാ പദ്ധതികളും ബി.എം.എച്ച് പ്രഖ്യാപിച്ചു. ഇതിന്റെ ഭാഗമായി 200 ഫസ്റ്റ് എയ്ഡ് കിറ്റുകൾ വിതരണം ചെയ്യുകയും അവ കൈകാര്യം ചെയ്യുന്നതിനായുള്ള കൃത്യമായ പരിശീലനം നൽകുകയും ചെയ്യും.

"ആരോഗ്യ സംരക്ഷണം വികസിക്കുമ്പോൾ നമ്മുടെ ഉത്തരവാദിത്തവും വികസിക്കണമെന്ന് ഞാൻ വിശ്വസിക്കുന്നു. ഭാവി എന്നത് അത്യാധുനിക സാങ്കേതിക വിദ്യകൾ മാത്രമല്ല, മറിച്ച് പരസ്പരം പരിചരിക്കാൻ പ്രാപ്തിയുള്ള, കൂടുതൽ ബോധവാന്മാരായ ഒരു സമൂഹത്തെ സൃഷ്ടിക്കുക എന്നതുകൂടിയാണ്. ആ വലിയ കാഴ്ചപ്പാടിലേക്കുള്ള ഞങ്ങളുടെ ചുവടുവെപ്പാണ് ലൈഫ്‌ലൈനർ. ലൈഫ്‌ലൈനർ 2.0 ലൂടെ ബി.എം.എച്ച് കെയർ ഗ്രൂപ്പിന് കീഴിലുള്ള വലിയ ശൃംഖലയിലേക്ക് ഈ പ്രവർത്തനം വ്യാപിപ്പിക്കാനും സ്കൂളുകളുമായും കമ്മ്യൂണിറ്റികളുമായും കൂടുതൽ ആഴത്തിൽ ഇടപഴകാനും ഞങ്ങൾ ലക്ഷ്യമിടുന്നു." , ബേബി മെമ്മോറിയൽ ഹോസ്പിറ്റൽ ലിമിറ്റഡ് സ്ഥാപകനും ചെയർമാനും മാനേജിംഗ് ഡയറക്ടറുമായ ഡോ. കെ.ജി. അലക്സാണ്ടർ പറഞ്ഞു.

"അടിയന്തര സാഹചര്യങ്ങളിൽ ആളുകൾ സഹായിക്കാൻ തയ്യാറാണെങ്കിലും എന്തുചെയ്യണമെന്ന് പലർക്കും അറിയില്ല എന്നതാണ് യാഥാർത്ഥ്യം. ഹൃദയാഘാതം, ശ്വാസംമുട്ടൽ അല്ലെങ്കിൽ വലിയ അപകടങ്ങൾ എന്നിവ സംഭവിക്കുമ്പോൾ ആദ്യ നിമിഷങ്ങളിലെ ഇടപെടൽ നിർണ്ണായകമാണ്. സാധാരണക്കാർക്ക് ജീവൻരക്ഷാ വൈദഗ്ധ്യം ലളിതമായി പകർന്നുനൽകാനാണ് ലൈഫ്‌ലൈനർ രൂപകൽപ്പന ചെയ്തിരിക്കുന്നതെന്ന്." ഡോ. ഫാബിത്ത് മൊയ്തീൻ (ക്ലസ്റ്റര്‍ ഹെഡ് (കേരള), ബിഎംഎച്ച് എമര്‍ജന്‍സി മെഡിസിന്‍ ഡിപ്പാര്‍ട്‌മെന്റ്) പറഞ്ഞു

ഇന്ത്യൻ കൗൺസിൽ ഓഫ് മെഡിക്കൽ റിസർച്ചിന്റെ കണക്കനുസരിച്ച്, കൃത്യസമയത്ത് അടിയന്തര ചികിത്സ ലഭിക്കാത്തത് മൂലം ഇന്ത്യയിൽ പ്രതിവർഷം 4.28 ലക്ഷത്തിലധികം ജീവനുകൾ നഷ്ടപ്പെടുന്നുണ്ട്. ഈ വിടവ് നികത്താനാണ് ലൈഫ്‌ലൈനർ ലക്ഷ്യമിടുന്നത്. പദ്ധതിയുടെ ഭാഗമായി സംഘടിപ്പിച്ച 75 ദിവസത്തെ അഖിലേന്ത്യാ സി.പി.ആർ (CPR) സാക്ഷരതാ പര്യടനം 20 സംസ്ഥാനങ്ങളിലായി 16,000 കിലോമീറ്റർ സഞ്ചരിച്ച് വലിയ ജനശ്രദ്ധ നേടിയിരുന്നു. ജീവൻ രക്ഷ പരിശീലനം ആവശ്യമുള്ളവർ 85890 23000 ബന്ധപ്പെടാവുന്നതാണ്.

വാർത്താ സമ്മേളനത്തിൽ ഡോ. കെ ജി അലക്സാണ്ടർ, ചെയർമാൻ & മാനേജിംഗ് ഡയറക്ടർ, ബിഎംഎച്ച്, ഡോ. നിഹാജ് ജി മുഹമ്മദ്, സിഇഒ, മൈത്ര ഹോസ്പിറ്റൽ, ഡോ. അനന്ത് മോഹൻ പൈ, ക്ലസ്റ്റർ സിഇഒ, ബിഎംഎച്ച്, ഡോ. ഫാബിത് മൊയ്തീൻ, ക്ലസ്റ്റർ ഹെഡ് (കേരള) - എമർജൻസി മെഡിസിൻ, ബിഎംഎച്ച്, ഡോ. വേണുഗോപാലൻ, ചെയർമാൻ, എമർജൻസി മെഡിസിൻ, മൈത്ര ഹോസ്പിറ്റൽ, എന്നിവർ പങ്കെടുത്തു.

എന്താണ് BMH Care

ബേബി മെമ്മോറിയൽ ഹോസ്പിറ്റൽസ്, മെയ്ത്ര ഹോസ്പിറ്റൽ, നരുവി ഹോസ്പിറ്റൽസ്, സ്റ്റാർ ഹോസ്പിറ്റൽസ് എന്നിവയെ ഒന്നിപ്പിച്ചുകൊണ്ട് ഇന്ത്യയിലുടനീളം പ്രവർത്തിക്കുന്ന പ്രമുഖ സംയോജിത ആരോഗ്യ സംരക്ഷണ ശൃംഖലയാണ് ബി.എം.എച്ച് കെയർ ഗ്രൂപ്പ് (BMH Care Group). 1987-ൽ ബേബി മെമ്മോറിയൽ ഹോസ്പിറ്റൽസ് ലിമിറ്റഡ് എന്ന നിലയിൽ സ്ഥാപിതമായ ഈ ഗ്രൂപ്പിന് ഇന്ന് കേരളം, തമിഴ്നാട്, തെലങ്കാന എന്നീ സംസ്ഥാനങ്ങളിലായി 9 ആശുപത്രികളും 2,800 ബെഡുകളുമുണ്ട്. മികച്ച ക്ലിനിക്കൽ വൈദഗ്ധ്യം, നൂതന സാങ്കേതിക വിദ്യകൾ, രോഗീസൗഹൃദ പരിചരണം എന്നിവയിൽ അധിഷ്ഠിതമായ ബി.എം.എച്ച് കെയർ ഗ്രൂപ്പ്, അത്യാധുനിക മൾട്ടി-സ്പെഷ്യാലിറ്റി സൗകര്യങ്ങൾ ലഭ്യമാക്കുന്നതിനൊപ്പം പുതിയ ആരോഗ്യ പദ്ധതികളിലൂടെ തങ്ങളുടെ സേവനം കൂടുതൽ മേഖലകളിലേക്ക് വ്യാപിപ്പിച്ചു വരികയാണ്.

LifelinER- പ്രധാന വിവരങ്ങൾ ഒറ്റനോട്ടത്തിൽ:

ആകെ പങ്കെടുത്തവർ: 30,000+

നടന്ന സെഷനുകൾ: 407+

പങ്കാളികളായ സ്ഥാപനങ്ങൾ: 347

സംസ്ഥാനങ്ങൾ: 20+

സി.പി.ആർ പര്യടനം: 75 ദിവസം (16,000+ കി.മീ)