Tue Dec 12, 2023 10:56 PM 1ST

Location  

Sign In

മഞ്ചേരിയില്‍ യുവ വനിതാ ഡോക്ടറെ ഫ്ലാറ്റില്‍ തൂങ്ങിമരിച്ച നിലയില്‍ കണ്ടെത്തി.

23 Jul 2025 20:29 IST

Jithu Vijay

Share News :

മഞ്ചേരി : മഞ്ചേരിയില്‍ യുവ വനിതാ ഡോക്ടറെ ഫ്ലാറ്റില്‍ തൂങ്ങിമരിച്ച നിലയില്‍ കണ്ടെത്തി. മഞ്ചേരി മെഡിക്കല്‍ കോളേജ് ഫിസിക്കല്‍ മെഡിസിൻ ആൻഡ് റീഹാബിലിറ്റേഷൻ വിഭാഗത്തിലെ സീനിയർ റെസിഡന്‍റ് ഡോക്ടർ കല്പകഞ്ചേരി സ്വദേശി സി കെ ഫർസീന (35) ആണ് മരിച്ചത്. ആത്മഹത്യ ചെയ്യുകയാണെന്ന് സുഹൃത്തുക്കള്‍ക്ക് വാട്സ്‌ആപ്പ് മെസേജ് അയച്ച ശേഷമായിരുന്നു മരണം.


ഇന്നലെ വൈകീട്ട് അഞ്ചോടെയാണ് സംഭവം. വെള്ളാരം കല്ലിലെ ഫ്ലാറ്റിലാണ് മരിച്ച നിലയില്‍ കണ്ടെത്തിയത്. താൻ ജീവനൊടുക്കുകയാണെന്ന് ഫർസീന സുഹൃത്തുക്കള്‍ക്ക് സന്ദേശം അയച്ചിരുന്നതായി പോലീസ് പറയുന്നു. തുടർന്ന് സുഹൃത്തുകളില്‍ ചിലർ വകുപ്പ് മേധാവിയെ ഇക്കാര്യം ധരിപ്പിച്ചു. പിന്നാലെ ഫർസീനയുടെ ഫ്ലാറ്റിലേക്ക് ആശുപത്രിയിലെ ഒരു ജീവനക്കാരനെ അയച്ചു. ഫ്ലാറ്റിലെത്തിയപ്പോള്‍ ഡോ. ഫർസീന തന്നെയാണ് വാതില്‍ തുറന്നത്. ആശുപത്രിയിലേക്ക് വരാൻ വകുപ്പ് മേധാവി ആവശ്യപ്പെട്ടതായി അറിയിച്ചു. വസ്ത്രം മാറി വരാമെന്ന് പറഞ്ഞ് അകത്തേക്ക് പോയ ഫർസീന വാതില്‍ അകത്തുനിന്ന് പൂട്ടി. ഇതോടെ ജീവനക്കാരൻ പോലീസില്‍ വിവരം അറിയിച്ചു. വാതില്‍ ചവിട്ടി തുറന്നപ്പോഴേക്കും മരണം സംഭവിച്ചിരുന്നു. ഫർസീന വിഷാദ രോഗത്തിന് നേരത്തെ ചികില്‍സ തേടിയിരുന്നതായി പൊലീസ് പറഞ്ഞു. രണ്ടു മക്കളുണ്ട്. പോസ്റ്റ്മോർട്ടത്തിനു ശേഷം മൃതദേഹം ബന്ധുക്കള്‍ക്ക് വിട്ടു നല്‍കി.

Follow us on :

More in Related News