Tue Dec 12, 2023 10:56 PM 1ST

Location  

Sign In

തിരൂരങ്ങാടി താലൂക്ക് തല പട്ടയ മേള നാളെ ജൂലൈ 15 ന്

14 Jul 2025 19:08 IST

Jithu Vijay

Share News :

തിരൂരങ്ങാടി : തിരൂരങ്ങാടി താലൂക്ക് തല പട്ടയമേള ജൂലൈ 15ന് തിരൂരങ്ങാടി ബ്ലോക്ക് പഞ്ചായത്ത് ഓഡിറ്റോറിയത്തിൽ വെച്ച് നടക്കും. രാവിലെ 10.30 ന് ആരംഭിക്കുന്ന പട്ടയമേള റവന്യൂ ഭവന നിർമ്മാണം വകുപ്പുമന്ത്രി കെ. രാജൻ ഉദ്ഘാടനം ചെയ്യും. തിരൂരങ്ങാടി എംഎൽഎ കെ പി എ മജീദ് അധ്യക്ഷത വഹിക്കുന്ന ചടങ്ങിൽ എം എൽ എ മാരായ പി കെ കുഞ്ഞാലിക്കുട്ടി, അബ്ദുൽ ഹമീദ്, എന്നിവർ സംബന്ധിക്കും.


അരിയല്ലൂർ വില്ലേജിലെ ചേരിയങ്ങാട്ട് കോളനി, പാറോൾ താഴം കോളനി, അരിയല്ലൂർ ബീച്ച് ജംഗ്ഷൻ കോളനി, മുതിയം ബീച്ച് കോളനി എന്നിവയിൽ 28 പട്ടയങ്ങളും  പരപ്പനങ്ങാടി വില്ലേജിൽ ലെപ്രസി കോളനിയിലെ 17 പട്ടയങ്ങളും മേളയിൽ വിതരണം ചെയ്യും. തെന്നല വില്ലേജിൽ മൂന്ന് കുടുംബങ്ങൾക്കും എടരിക്കോട് വില്ലേജിലെ അതി ദരിദ്ര പട്ടികയിൽ ഉൾപ്പെട്ട ഒരു കുടുംബത്തിനും ഊരകം വില്ലേജിലെ ഒരു കുടുംബത്തിനും പട്ടയം നൽകും. തിരൂരങ്ങാടി താലൂക്കിൽ ആകെ 51 ഭൂമി പതിവ് പട്ടയങ്ങളാണ് നൽകുന്നത്.


 ഇവക്ക് പുറമെ തിരൂരങ്ങാടി ലാൻഡ് ട്രിബൂണൽ അനുവദിച്ച തിരൂരങ്ങാടി നിയോജകമണ്ഡലത്തിലെ 44 പട്ടയങ്ങളും, വേങ്ങര നിയോജകമണ്ഡലത്തിലെ 51 പട്ടയങ്ങളും വള്ളിക്കുന്ന് നിയോജകമണ്ഡത്തിലെ 81 പട്ടയങ്ങളും വിതരണം ചെയ്യും.  അറിയിപ്പ് ലഭിച്ച മുഴുവൻ വ്യക്തികളും പട്ടയം സ്വീകരിക്കുന്നതിനായി 10 മണിക്ക് മുമ്പ് തന്നെ തിരൂരങ്ങാടി ബ്ലോക്ക് പഞ്ചായത്ത് ഓഡിറ്റോറിയത്തിൽ എത്തണമെന്ന് തഹസിൽദാർ പി ഓ സാദിഖ് അറിയിച്ചു.

Follow us on :

More in Related News