ചാവക്കാട് തിരുവത്ര തേർളി ശ്രീബാലഭദ്ര ഭഗവതി ക്ഷേത്രത്തിൽ പ്രതിഷ്ഠാദിന മഹോത്സവം 21,22,23 തിയ്യതികളിൽ വിവിധ പരിപാടികളോടെ ആഘോഷിക്കും..

The consecration day festival will be celebrated with various programs on the 21st, 22nd and 23rd at the Thiruvathra Therli Sree Balabhadhra Bhagavathy Temple in Chavakkad

ചാവക്കാട്:തിരുവത്ര തേർളി ശ്രീബാലഭദ്ര ഭഗവതി ക്ഷേത്രത്തിൽ പ്രതിഷ്ഠാദിന മഹോത്സവം 21,22,23(ചൊവ്വ,ബുധൻ,വ്യാഴം) തിയ്യതികളിൽ വിവിധ പരിപാടികളോടെ ആഘോഷിക്കും.രാവിലെ മുതൽ ക്ഷേത്രത്തിൽ വിശേഷാൽ പൂജകൾ നടക്കും.പൂജകൾക്ക് ക്ഷേത്രം തന്ത്രി വെള്ളത്തിട്ട് കിഴക്കേടത്ത് മന ബ്രഹ്മശ്രീ വാസുദേവൻ നമ്പൂതിരിപ്പാട് മുഖ്യകാർമ്മികത്വം വഹിക്കും.ചൊവ്വാഴ്ച്ച ദീപാരാധനയ്ക്ക് ശേഷം വൈകിട്ട് 7 മണിക്ക് പി.പി.മണികണ്ഠന്റെ(പട്ടാമ്പി)മുഖ്യകാർമ്മികത്വത്തിൽ നാഗകളം(അഷ്ടനാഗക്കളം)ഉണ്ടായിരിക്കും.ബുധനാഴ്ച്ച കാലത്ത് 10.30-ന് മുത്തപ്പൻ സ്വാമിക്ക് കളം,ഉച്ചയ്ക്ക് ശേഷം 3-ന് രക്ഷസ്,രക്ഷോഗനങ്ങൾക്കും പൂജയും ശേഷം കലശവും ഉണ്ടാകും.4 മണിക്ക് വിഷ്ണുമായ സ്വാമിക്ക് കളം,6-ന് ദീപാരാധന,7.30-ന് ഭുവനേശ്വരി ദേവിക്ക് വിശേഷാൽ പൂജ,8.30-ന് കരിങ്കുട്ടി സ്വാമിക്ക് കളം എന്നിവ ഉണ്ടാകും.കളങ്ങൾക്ക് വല്ലച്ചിറ വിജീഷ് നേതൃത്വം നൽകും.വ്യാഴാഴ്ച്ച രാവിലെ 7-ന് ഉഷപൂജ,8-ന് കലശപൂജ,8.30-ന് നവകം,പഞ്ചഗവ്യം,കലശാഭിഷേകം,9.30-ന് ബ്രഹ്മരക്ഷസിന്‍റെ തറയിൽ വിശേഷാൽ പൂജ,11-ന് നടക്കൽ പറ വഴിപാട്,ഉച്ചയ്ക്ക് 12.30-ന് പ്രസാദ ഊട്ട്,വൈകിട്ട് 6-ന് ദീപാരാധന,7-ന് തിരുവത്ര ഗ്രാമകുളം ശ്രീകാർത്ത്യായനി ഭഗവതി മഹാ ബ്രഹ്മരക്ഷസ്സ് ക്ഷേത്രത്തിൽ നിന്നും താലം പുറപ്പെടൽ,8.30-ന് മണത്തല ജനാർദ്ദനൻ ആൻഡ് പാർട്ടിയുടെ തായമ്പക,9-ന് ഭഗവതിക്ക് കളംപാട്ട്,12-ന് ക്ഷേത്രം മേൽശാന്തി സർവ്വശ്രീ കളരിക്കൽ ഉണ്ണിപ്പണിക്കരുടെ കാർമ്മികത്വത്തിൽ വടക്കൻ വാതുക്കൽ ഗുരുതി സമർപ്പണവും,ശേഷം നട അടയ്‌ക്കൽ എന്നിവയും ഉണ്ടാകുമെന്ന് ക്ഷേത്ര ഭാരവാഹികൾ അറിയിച്ചു.