Parappanangadi Municipality with Excursion for the Elderly

പരപ്പനങ്ങാടി : പരപ്പനങ്ങാടി നഗരസഭയുടെ പരിധിയിലെ 500 ഓളം വയോജനങ്ങളെ പങ്കെടുപ്പിച്ച് നഗരസഭാ

ഉല്ലാസ യാത്ര സംഘടിപ്പിച്ചു.

നഗരസഭയുടെ വാർഷിക പദ്ധതിയിൽ വയോജനങ്ങൾക്കായി ഉൾപ്പെടുത്തിയ വിവിധ പദ്ധതികളുടെ ഭാഗമായാണ് യാത്ര സംഘടിപ്പിച്ചത്. ഒമ്പത് ബസുകളിലായി ഒരു ദിവസം നീണ്ട് നിൽക്കുന്ന യാത്രയാണ് സംഘടിപ്പിച്ചത്.

ജീവിതത്തിൻ്റെ സായംസന്ധ്യയിൽ സമപ്രായക്കാരായ വയോധികരുടെ ഒരുമിച്ചുള്ളയാത്രയിൽ പഴയ കാല ഓർമകൾ അയവിറക്കി ആവേശഭരിതരായി. വിശ്രമ ജീവിതത്തിനിടയിൽ ഇത്തരം ഉല്ലാസ യാത്രകൾ മനസിനും ശരീരത്തിനും വലിയ ഉണർവ് നൽകി. നഗരസഭ ചെയർമാൻ പി പി ഷാഹുൽ ഹമീദ്, സ്റ്റാൻഡിങ് കമ്മിറ്റി ചെയർപേഴ്സന്മാർ, കൗൺസിലർമാർ,

അംഗനവാടി ടീച്ചർമാർ, വായോമിത്രം ഡോക്ടർ, മെഡിക്കൽ സ്റ്റാഫുകൾ എന്നിവർ യാത്രയെ അനുകമ്പിച്ച് കൊണ്ട് അവരുടെ കൂടെ പോയിരുന്നു.

യാത്രയുടെ ഫ്ലാഗ് ഓഫ് കർമ്മം നഗരസഭാ ചെയർമാൻ പി.പി ഷാഹുൽഹമീദ് നിർവഹിച്ചു. ഡെപ്യൂട്ടി ചെയർപേഴ്സൺ ബി പി ഷാഹിദ, സ്റ്റാൻ്റിംഗ് കമ്മറ്റി ചെയർപേഴ്സൺമാരായ കെ.പി മുഹ്സിന, വൈറുന്നീസ താഹിർ, സീനത്ത് ആലി ബാപ്പു, വി കെ സുഹറ ടീച്ചർ, സി നിസാർ അഹമ്മദ്, മുൻ ഡെപ്യുട്ടി ചെയർപേഴ്സൻ കെ ഷഹർബാനു, കൗൺസിലർമാരായ പി വി മുസ്തഫ, ബേബി അച്യുതൻ, കെ സി നാസർ, റസാഖ് തലക്കലകത്ത്‌, കോയ അജ്യേരകത്ത്, ടി ആർ റസാഖ്, അസീസ് കൂളത്ത്‌, ഐ സി ഡി എസ് സൂപ്പർവൈസർ ഷീജ ജോസഫ്, വായോമിത്രം കോർഡിനേറ്റർ അസീസ്, സംഘടക സമിതി അംഗങ്ങളായ പാലക്കണ്ടി വേലായുധൻ, ദേവദാസ് എന്നിവർ പങ്കെടുത്തു.

Tags:

enlightmedia,malayalamnews,kerala,latestnews