Tue Dec 12, 2023 10:56 PM 1ST
Location
Sign In
28 Aug 2025 18:17 IST
Share News :
തേഞ്ഞിപ്പലം : കാലിക്കറ്റ് സര്വകലാശാല ക്യാമ്പസിൽ തുറന്ന ജീപ്പിലും ജെസിബിയിലും എത്തി വിദ്യാര്ത്ഥികള്
അപകടകരമായ രീതിയിൽ
ഓണാഘോഷ പരിപാടികള് സംഘടിപ്പിച്ചു. ക്യാമ്പസിലെ ഫിസിക്കല് എജുക്കേഷന് വിദ്യാര്ത്ഥികളുടെ ഓണാഘോഷമായിരുന്നു പരിധി വിട്ടത്.
കഴിഞ്ഞ ദിവസമായിരുന്നു ഓണാഘോഷ പരിപാടി നടന്നത്. വിഷയത്തില് സെക്യൂരിറ്റി ഓഫീസറോട് രജിസ്ട്രാര് റിപ്പോര്ട്ട് തേടി. അപകടകരമായ രീതിയില് ഓണാഘോഷ പരിപാടി നടത്തരുതെന്ന് ഹൈക്കോടതി വിധി നിലനില്ക്കേയാണ് ക്യാമ്പസിൽ ഇത്തരത്തില് ഓണപ്പരിപ്പാടി സംഘടിപ്പിച്ചത്.
ഭരണ സിരാ കേന്ദ്രത്തിന് മുന്നിലടക്കം തുറന്ന ജീപ്പില് അപകടകരമായി വിദ്യാര്ത്ഥികള് സഞ്ചരിച്ചു. മദ്യലഹരിയിലായിരുന്ന വിദ്യാര്ത്ഥികള് ക്യാമ്പസിലെ മതില് ഇടിച്ച് തകര്ത്തിട്ടുണ്ട്. ക്ലാസ് മുറിയിലും വിദ്യാര്ത്ഥികള് പടക്കം പൊട്ടിച്ചു. സ്പോര്ട്സ് ഹോസ്റ്റല് മുറിയില് പടക്കം പൊട്ടിച്ചത് ചോദിച്ച അധ്യാപകരെ ഭീഷണിപ്പെടുത്തിയതിന് അധ്യാപകര് തേഞ്ഞിപ്പലം പോലീസിന് പരാതി നല്കിയിട്ടുണ്ട്.
Follow us on :
Tags:
More in Related News
Please select your location.