Minister V Sivankutty will prepare a list of teachers who do not teach their children in public schools

തിരുവനന്തപുരം : പൊതുവിദ്യാലയത്തില്‍ കുട്ടികളെ ചേര്‍ക്കാതെ അണ്‍ എയ്ഡഡ് മേഖലകളിലെ ഇംഗ്ലീഷ് മീഡിയം സ്‌കൂളുകളില്‍ പഠിപ്പിക്കുന്ന ഗവണ്‍മെന്റ് ശമ്പളം വാങ്ങി പൊതുവിദ്യാലയങ്ങളില്‍ ജോലി ചെയ്യുന്ന അധ്യാപകരുടെ ലിസ്റ്റ് തയ്യാറാക്കി പ്രസിദ്ധീകരിക്കുമെന്ന് വിദ്യാഭ്യാസ മന്ത്രി വി ശിവന്‍കുട്ടി എ കെ എസ് ടിയു സംസ്ഥാന സമ്മേളന വിദ്യാഭ്യാസ സമ്മേളനത്തില്‍ പ്രതിനിധികള്‍ക്ക് ഉറപ്പ് നല്‍കി. വിദ്യാഭ്യാസ സെമിനാര്‍ ഉദ്ഘാടനം ചെയ്യവേയാണ് ഇക്കാര്യം സൂചിപ്പിച്ചത്.

പൊതുവിദ്യാലയങ്ങള്‍ നാടിന്റെ സമ്പത്താണ്. അത് സംരക്ഷിക്കേണ്ടത് സമൂഹത്തിന്റെതെന്നു പോലെ ഗവണ്‍മെന്റ് ജീവനക്കാരുടെയും ചുമതലയാണ് പ്രത്യേകിച്ചും പൊതുവിദ്യാലയത്തില്‍ പഠിപ്പിക്കുന്ന അധ്യാപകരുടെ കടമയാണ് അവരാണ് പൊതുവിദ്യാലയങ്ങളുടെ കാവലാള്‍. കേരളത്തില്‍ ധാരാളം അധ്യാപകര്‍ തങ്ങളുടെ കുട്ടികളെ അണ്‍എയ്ഡഡ് മേഖലകളില്‍ പഠിപ്പിക്കുന്നു.

ഇത് പൊതുവിദ്യാലയങ്ങളില്‍ സമൂഹത്തിനുള്ള വിശ്വാസ്യത കുറക്കും. അങ്ങനെയുള്ള അധ്യാപകര്‍ സ്വയം ചിന്തിച്ച്‌ മാറണം.