Kodiyeri for Thirunal in Arizhuzha Church

അരിക്കുഴ: ഇടവക ദേവാലയത്തില്‍ ഇടവക മധ്യസ്ഥനായ വിശുദ്ധ സെബസ്ത്യാനോസിന്റെ തിരുനാളിന് കൊടിയേറി. പുതിയതായി നിര്‍മ്മിച്ച കൊടിമരത്തിന്റെ വെഞ്ചരിപ്പും കൊടിയേറ്റും രൂപതാ വികാരി ജനറാള്‍ മോണ്‍സിഞ്ഞോര്‍ പയസ് മലേക്കണ്ടത്തില്‍ നിര്‍വഹിച്ചു. പുല്‍പറമ്പില്‍ ജോയി മാത്യുവാണ് കൊടിമരം സ്‌പോണ്‍സര്‍ ചെയ്തത്. തിരുനാളിന് ഒരുക്കമായി കൊടിമരം നിര്‍മ്മിച്ചതിന് പുറമെ, പള്ളിയുടെ അള്‍ത്താര നവീകരിക്കുകയും മുഖവാരം ഭംഗിയാക്കിയും പള്ളി പരിസരം മനോഹരമാക്കുകയും ചെയ്തു. അമ്പ് പ്രദക്ഷിണം, വിശുദ്ധ കുര്‍ബാന, അരിക്കുഴ കപ്പേളയിലേക്ക് പ്രദക്ഷിണം എന്നവയും നടക്കും. 26ന് രാവിലെ 10നും വൈകുന്നേരം നാലിനും വിവിധ വാര്‍ഡുകളില്‍ നിന്ന് അമ്പ് പ്രദക്ഷിണം. വൈകുന്നേരം 5.15ന് നാദോപാസന ഡയറക്ടര്‍ ഫാ. പ്രിന്‍സ് പരത്തിനാല്‍ വിശുദ്ധ കുര്‍ബാന അര്‍പ്പിക്കും. കരിമണ്ണൂര്‍ സെന്റ് മേരീസ് ഫൊറോന പള്ളി വികാരി ഫാ. സ്റ്റാന്‍ലി പുല്‍പ്രയില്‍ സന്ദേശം നല്‍കും. തുടര്‍ന്ന് കടവിലേക്ക് പ്രദക്ഷിണം. രാത്രി 8.30ന് കായംകുളം ദേവ കമ്മ്യൂണിക്കേഷന്‍സിന്റെ വനിതാ മെസ് നാടകം എന്നിവയാണ് മറ്റ് ആഘോഷ പരിപാടികള്‍.