Environment Day celebrated under the leadership of District Literacy Mission

മലപ്പുറം : ലോക പരിസ്ഥിതി ദിനത്തില്‍ ജില്ലാ സാക്ഷരതാ മിഷന്റെ നേതൃത്വത്തില്‍ പരിസ്ഥിതി സെമിനാര്‍, ഉപന്യാസ രചന, ഫല വൃക്ഷൈത്തൈ നടീല്‍ എന്നിവ സംഘടിപ്പിച്ചു. ജില്ലാ നെഹ്‌റു യുവ കേന്ദ്ര ഹാളില്‍ നടന്ന പരിപാടിയുടെ ഉദ്ഘാടനം ജില്ലാ ഇന്‍ഫര്‍മേഷന്‍ ഓഫീസര്‍ കെ.മുഹമ്മദ് നിര്‍വ്വഹിച്ചു. ജില്ലാ സാക്ഷരതാ മിഷന്‍ ജില്ലാ കോ-ഓര്‍ഡിനേറ്റര്‍ ദീപ ജെയിംസ് അധ്യക്ഷത വഹിച്ചു . ജില്ലാ ഇന്‍ഫര്‍മേഷന്‍ ഓഫീസര്‍ കെ.മുഹമ്മദ് പരിസ്ഥിതി ദിന പ്രതിജ്ഞ ചൊല്ലിക്കൊടുത്തു. കഥാകൃത്ത് കൃഷ്ണന്‍ മങ്കട, കില ഫാക്കല്‍റ്റി രേഷ്മ എന്നിവര്‍ ക്ലാസുകളെടുത്തു.

അസി. കോ-ഓര്‍ഡിനേറ്റര്‍ സി. അബ്ദുള്‍ റഷീദ് പരിസ്ഥിതി ദിന സന്ദേശം നല്‍കി . 'എന്റെ സ്വപ്നത്തിലെ ഹരിത ഗ്രാമം' എന്ന വിഷയത്തില്‍ പത്താംതരം തുല്യതാ പഠിതാക്കള്‍ക്കും'പരിസ്ഥിതി സംരക്ഷണത്തിന്റെ പ്രാധാന്യം' എന്ന വിഷയത്തില്‍ ഹയര്‍ സെക്കണ്ടറി തുല്യതാ പഠിതാക്കള്‍ക്കും ഉപന്യാസ രചനാ മത്സരം നടത്തി. ചടങ്ങിന് അസിസ്റ്റന്റ് കോ-ഓര്‍ഡിനേറ്റര്‍ എം മുഹമ്മദ് ബഷീര്‍ സ്വാഗതവും ഓഫീസ് സ്റ്റാഫ് കെ.മൊയ്തീന്‍ കുട്ടി നന്ദിയും പറഞ്ഞു. ഓഫീസ് ജീവനക്കാര്‍ പ്രേരക്മാര്‍, പഠിതാക്കള്‍ എന്നിവര്‍ പങ്കെടുത്തു.

Tags:

enlightmedia,malayalamnews,kerala,latestnews