A middle-aged man was shot dead in Kannur Pariyaram.

കണ്ണൂർ : കണ്ണൂർ പരിയാരം കൈതപ്രത്ത് മധ്യവയസ്കൻ വെടിയേറ്റ് മരിച്ചു. കല്യാട് സ്വദേശി രാധാകൃഷ്ണൻ (49) ആണ് മരിച്ചത്. സന്തോഷ് എന്നയാളാണ് വെടിവച്ചത്. ഇയാളെ പോലീസ് അറസ്റ്റ് ചെയ്തു. ഇന്നലെ വൈകിട്ട് 6.30 ഓടെയാണ് സംഭവം നടന്നത്. നിർമാണം നടക്കുന്ന വീട്ടിൽവെച്ചാണ് കൊലപാതകം നടന്നതെന്നാണ് വിവരം. പ്രതി സന്തോഷ് കൊല നടത്തുന്നതിന് തൊട്ടുമുന്‍പ് തോക്ക് പിടിച്ചുള്ള ഒരു ചിത്രം ഫേസ്ബുക്കില്‍ പങ്കുവെച്ചു. 4.27 ഓടെയായിരുന്നു ഇയാള്‍ ചിത്രം പങ്കുവെച്ചത്. ‘കൊള്ളിക്കുക എന്നതാണ് ടാസ്‌ക്, കൊള്ളും എന്നത് ഉറപ്പ്’എന്നായിരുന്നു സന്തോഷ് ചിത്രത്തിന് നല്‍കിയ ക്യാപ്ഷന്‍. ഇതോടെ ആസൂത്രിതമായാണ് കൊല നടത്തിയതെന്നാണ് വ്യക്തമാകുന്നത്. കല്യാട് സ്വദേശിയായ രാധാകൃഷ്ണന്‍ ഗുഡ്‌സ് ഡ്രൈവറാണ്.

നിര്‍മ്മാണത്തൊഴിലാളിയായ സന്തോഷ് കൈതപ്രം വായനശാലയ്ക്ക് സമീപത്തെ നിര്‍മ്മാണത്തിലിരിക്കുന്ന വീട്ടിലേക്ക് രാധാകൃഷ്ണനെ വിളിച്ചുവരുത്തി നെഞ്ചില്‍ വെടിവയ്ക്കുകയായിരുന്നു. ബഹളംകേട്ട് എത്തിയ നാട്ടുകാര്‍ രാധാകൃഷ്ണനെ ഉടന്‍ ആശുപത്രിയിലെത്തിച്ചെങ്കിലും രക്ഷിക്കാനായില്ല. സന്തോഷിന്റെ തോക്കിന് ലൈസന്‍സ് ഉണ്ടെന്നാണ് പോലീസ് പറയുന്നത്. പന്നിയെ വെടിവയ്ക്കാന്‍ ഉപയോഗിക്കുന്ന തോക്കാണിത്.

നാട്ടുകാര്‍ അറിയിച്ചതിനെ തുടര്‍ന്ന് പോലീസ് സ്ഥലത്തെത്തുകയും സന്തോഷിനെ പിടികൂടുകയുമായിരുന്നു.

Tags:

enlightmedia,malayalamnews,kerala,latestnews