14 cents of land donated: Transportation facilitated for many families...

ചാവക്കാട്:കടപ്പുറം ഗ്രാമപഞ്ചായത്തിലെ ആറാം വാർഡ് ചേറ്റുവ പാടം പ്രദേശത്ത് 14 സെൻറ് ഭൂമി വഴിക്കായി വിട്ടുനൽകിയപ്പോൾ നിരവധി കുടുംബങ്ങൾക്ക് റോഡ് സൗകര്യം സാധ്യമായി.കടപ്പുറം ഗ്രാമപഞ്ചായത്ത് മുൻ വൈസ് പ്രസിഡന്റ് പി.കെ.മൊയ്തുണ്ണി ഹാജിയുടെ മക്കളായ സുൽഫിക്കർ ഹാജി,ഷെരീഫ്,നൂർജഹാൻ,ശിഹാബുദ്ദീൻ എന്നിവർ 12 സെൻ്ററും,കുറുപ്പത്ത് കായിൽ ബക്കർ 2 സെൻ്ററും സംയുക്തമായി ചേർന്ന് 14 സെൻറ് ഭൂമി ദാനമായി നൽകിയപ്പോഴാണ് നിരവധി വീടുകളിലേക്ക് 10 അടി വീതിയിൽ റോഡ് എത്തിയത്.നിലവിൽ ഭൂമി നൽകിയവർക്ക് ഇവരുടെ സ്ഥലങ്ങളിലേക്ക് ഗതാഗത സൗകര്യം ഉള്ളപ്പോഴാണ് ഈ സദ് പ്രവർത്തി ശ്രദ്ധേയമായത്.ഭൂമിയുടെ രേഖകൾ കടപ്പുറം ഗ്രാമപഞ്ചായത്ത് പ്രസിഡന്റ് സാലിഹ ഷൗക്കത്തിന്,എം.എ.സുൽഫിക്കർ ഹാജി,റിഷാൽ അണ്ടിപാട്ടിൽ എന്നിവർ ചേർന്ന് കൈമാറി.ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ വി.പി.മൻസൂർ അലി നേതൃത്വപരമായ പങ്കു വഹിച്ചു.പഞ്ചായത്ത് അംഗം സുനിത പ്രസാദ്,വർക്കിംഗ് ഗ്രൂപ് അംഗം ചേലോട്ടുങ്ങൽ ഷറഫു,പി.വി.ഹൈദർ അലി,ഖത്തർ കെഎംസിസി അംഗം എ.വി.ത്വൽഹത്ത്,റോഡ് നിർമ്മാണ സമിതി അംഗങ്ങളായ പി.വി.അബൂബക്കർ,കാസിം മേനോത്ത്,പി.വി.നാസർ,കെ.ആർ.വിഷ്ണു എന്നിവർ പങ്കെടുത്തു.

Tags:

enlightmedia,malayalamnews,kerala,latestnews