North of Vaikom Mahadeva Temple, Kodiyerchana; Website inaugurated.

വൈക്കം: ശബരിമലയിൽ റോപ് വേ യാഥാർത്ഥ്യമാക്കാൻ തീരുമാനിച്ചെന്നും റോപ് വേ നിർമ്മാണത്തിന് വരുന്ന ഉത്രം നാളിൽ തുടക്കമിടുമെന്ന് ദേവസ്വം മന്ത്രി വി.എൻ.വാസവൻ പറഞ്ഞു.

വൈക്കം മഹാദേവ ക്ഷേത്രത്തിൽ 12 വർഷത്തിലൊരിക്കൽ നടത്തുന്ന വടക്കുപുറത്തുപാട്ടും കോടിയർച്ചനയുടെയും വെബ്സൈറ്റ് ഉദ്ഘാടനം നിർവ്വഹിക്കുകയായിരുന്നു മന്ത്രി. റോപ് വേ നിലവിൽ വരുന്നതോടെ സന്നിധാനത്തേക്ക് നിരന്തരം ഓടിക്കൊണ്ടിരിക്കുന്ന ട്രാക്ടറുകൾ ഒഴിവാക്കാനാവുമെന്നും ഇതുവഴി ശബരിമലയിലെ അന്തരീക്ഷ മലിനീകരണം വലിയ തോതിൽ ഇല്ലാതാക്കാൻ കഴിയുമെന്നും മന്ത്രി അഭിപ്രായപ്പെട്ടു. കഴിഞ്ഞ വർഷത്തേക്കാൾ ആറരലക്ഷം കുടുതൽ ഭക്തർ ദർശത്തിന് എത്തിയതുവഴി 8.5 കോടി രൂപ നടവരവ് എത്തിയതായും പരാതികൾക്ക് ഇട നൽകാതെ ദർശനം സാദ്ധ്യമാക്കാനായെന്നും ശബരിമലക്കായി 778 കോടിയുടേയും പമ്പ,നിലക്കൻ 285 കോടിയുടെയും മാസ്റ്റർ പ്ലാൻ കാബിനറ്റ് അംഗീകരിച്ചതായും മന്ത്രി പറഞ്ഞു.

മഹാദേവക്ഷേത്രത്തിൽ നടന്ന ചടങ്ങിൽ കോടിയർച്ചന വടക്കുപുറത്തുപാട്ട് കമ്മറ്റി പ്രസിഡന്റ്‌ അഡ്വ. സുധീഷ് കുമാർ അദ്ധ്യക്ഷത വഹിച്ചു. ഡെപ്യൂട്ടി ദേവസ്വം കമ്മീഷണർ കെ. ആർ. ശ്രീലത, അസി. കമ്മീഷണർ എം. ജി. മധു, അഡ്മിനിസ്ട്രേറ്റീവ് ഓഫിസർ ഈശ്വരൻ നമ്പൂതിരി,കോടിയർച്ചന വടക്കുപുറത്തുപാട്ട് കമ്മറ്റി ജനറൽ സെക്രട്ടറി പി.സുനിൽകുമാർ,

വൈസ് പ്രസിഡന്റ്‌ പി. വി. നാരായണൻ നായർ തുടങ്ങിയവർ പ്രസംഗിച്ചു. കമ്മറ്റി അംഗങ്ങൾ, ഭക്തജനങ്ങൾ ഉൾപ്പടെ നിരവധി പേർ ചടങ്ങിൽ പങ്കെടുത്തു.

Tags:

വൈക്കം മഹാദേവ ക്ഷേത്രത്തിലെ വടക്കുപുറത്തുപാട്ട് കോടിയർച്ചന; വെബ്സൈറ്റ് ഉദ്ഘാടനം ചെയ്തു.

More in Related News