Thayilaparambu Matanam will flag off the festival at the Devi Temple tomorrow ( February 17 ).

തലയോലപ്പറമ്പ്: ബ്രഹ്മപുരം മാത്താനം ദേവീക്ഷേത്രത്തിലെ ഉത്സവത്തിന് നാളെ ( ഫെബ്രുവരി 17 ) തിങ്കളാഴ്ച്ച കൊടിയേറും. ഉത്സവത്തിന്റെ മുന്നോടിയായി

ഞായറാഴച വൈകിട്ട് 5.30ന് തിരുപുരം ശ്രീകൃഷ്ണസ്വാമി ക്ഷേത്രത്തിൽ നിന്നും നടത്തിയ കുലവാഴ പുറപ്പാട് ഭക്തി സാന്ദ്രമായി. വാദ്യമേളങ്ങളോടെ നടത്തിയ കുലവാഴ പുറപ്പാട് ചടങ്ങിൽ നൂറ് കണക്കിന് ഭക്തജനങ്ങൾ പങ്കെടുത്തു.നാളെ വൈകിട്ട് 6.30ന് ക്ഷേത്രം തന്ത്രി കുമരകം എം.എൻ ഗോപാലൻ തന്ത്രികളുടെ മുഖ്യകാർമ്മികത്വത്തിൽ കൊടിയേറ്റ് ചടങ്ങ് നടക്കും. വൈകിട്ട് 3ന് കൊടിക്കൂറ, കൊടിക്കയർ എന്നിവ സമർപ്പിക്കും. 18ന് ഉച്ച യ്ക്ക് 12.30ന് പ്രസാദമൂട്ട്, വൈകിട്ട് 5ന് കോലത്താർ 6ന് മാക്കോക്കുഴി എന്നിവിടങ്ങളിൽ നിന്നും താലപ്പൊലി. 7ന് തിരുവാതിര, 8ന് നവീന കൈകൊട്ടിക്കളി, 9 ന് ഫ്യൂഷൻ ഡാൻസ് എന്നിവ നടക്കും. 19ന് വൈകിട്ട് 6 ന് മണക്കുന്നം എസ് എൻ ഡി പി വനിതാ സംഘത്തിൻ്റെ താലപ്പൊലി, 6.30ന് പുഷ്പാഭിഷേകം, 7ന് നാടൻപാട്ട്. 20ന് വൈകിട്ട് 5.30ന് കുറുന്തറയിൽ നിന്നും മാത്താനത്തമ്മ കുംഭകുട സമതിയുടെ കുംഭകുടം.7ന് തിരുവാതിര, 7.30ന് നൃത്ത സന്ധ്യ, ഭരതനാട്യം, 8ന് ഫ്യൂഷൻ തിരുവാതിര. 21ന് രാവിലെ 11ന് ഉത്സവബലി ദർശനം, 12.30 ന് പ്രസാദമൂട്ട്, വൈകിട്ട് 7ന് ഫ്യൂഷൻ കൈകൊട്ടിക്കളി, 7.30ന് തിരുവാതിര, 8 ന് നൃത്തനൃത്യങ്ങൾ, 8.30 ന് ദേശതാലപ്പൊലി, തുടർന്ന് ഭരതനാട്യം, കൈകൊട്ടികളി, 9.30 ന് വലിയഗുരുതി. 22ന് രാവിലെ 8.30ന് പൊങ്കാല, 11.30 ന് പൊങ്കാല നിവേദ്യം 12ന് ശ്രീഭൂത ബലി, തുടർന്ന് പൊങ്കാല സദ്യ. വൈകിട്ട് 5ന് കാഴ്ചശ്രീബലി, 7ന് ഗാനമേള, 10 ന് വലിയവിളക്ക്, പളളിവേട്ട. ആറാട്ട് ദിവസമായ 23ന് രാവിലെ 9ന് പൂരമിടി, ഉച്ചയ്ക്ക് 12.30ന് ആറാട്ട് സദ്യ, വൈകിട്ട് 5ന് പാലാം കടവിലേക്ക് ആറാട്ട് പുറപ്പാട്, 6.30ന് ആറാട്ട്, 9ന് ആറാട്ട് എതിരേൽപ്, 10ന് വലിയ കാണിക്ക എന്നിവയോടെ ഉത്സവം സമാപിക്കും.