Tue Dec 12, 2023 10:56 PM 1ST

Location  

Sign In

ആനയുടെ ആക്രമണത്തിൽ പരിക്കേറ്റ് മരണമടഞ്ഞ കൃഷ്ണന്‍കുട്ടിയുടെ കുടുംബാംഗങ്ങളെ മന്ത്രി ജി.ആര്‍ അനില്‍ സന്ദര്‍ശിച്ചു.

12 Jan 2025 20:47 IST

Saifuddin Rocky

Share News :

തിരൂർ:പുതിയങ്ങാടി വലിയ നേർച്ച സമാപന ദിനത്തിൽ ജാറം മൈതാനിയിൽ വെച്ച് ആന ഇടഞ്ഞതിനെ തുടർന്ന് ഗുരുതരമായി പരിക്കേറ്റ് ചികിത്സയിലിരിക്കെ മരണപ്പെട്ട തിരൂർ തെക്കുംമുറി സ്വദേശി പോട്ട ചേലപ്പൊടി കൃഷ്ണൻകുട്ടിയുടെ കുടുബാംഗങ്ങളെ ഭക്ഷ്യ വകുപ്പ് മന്ത്രി ജി.ആര്‍ അനില്‍ സന്ദര്‍ശിച്ചു.ഞായറാഴ്ച ഉച്ചയോടെയായിരുന്നു സന്ദര്‍ശനം.തീര്‍ത്തും ഒറ്റപ്പെട്ട് നിരാലംബരായി കഴിയുന്ന കുടുംബം സര്‍ക്കാര്‍ സഹായമഭ്യാര്‍ത്ഥിച്ച് മന്ത്രിക്ക് നിവേദനം നല്‍കി.സര്‍ക്കാരില്‍ നിന്ന് കഴിയാവുന്ന സഹായം ചെയ്ത് തരുമെന്ന് മന്ത്രി കുടുംബത്തിന് ഉറപ്പു നല്‍കി.പത്ത് മിനിറ്റോളം ചിലവഴിച്ചാണ് മന്ത്രി മടങ്ങിയത്.ഇന്ത്യന്‍ അസോസിയേഷന്‍ ഓഫ് ലോയേഴ്സ് മലപ്പുറം ജില്ലാ സെക്രട്ടറി ദിനേശ് പൂക്കയില്‍,തിരൂര്‍ നഗരസഭ കൗണ്‍സിലര്‍ വി.നന്ദന്‍,ജോയിന്റ് കൗണ്‍സില്‍ മലപ്പുറം ജില്ലാ ട്രഷറര്‍ കെ.സുജിത്ത്കുമാര്‍ എന്നിവര്‍ മന്ത്രിയെ അനുഗമിച്ചു.

ഇന്ത്യന്‍ അസോസിയേഷന്‍ ഓഫ് ലോയേഴ്സ് തിരൂരില്‍ സംഘടിപ്പിച്ച സംസ്ഥാന നേതൃക്യാമ്പില്‍ പങ്കെടുക്കാനെത്തിയതായിരുന്നു മന്ത്രി.

വെള്ളിയാഴ്ച രാവിലെ 11 മണിയോടെ കോട്ടക്കൽ മിംസ് ആശുപത്രിയിൽ ത്രീവ പരിചരണ വിഭാഗത്തിൽ ചികിത്സയിലിരിക്കെയാണ് കൃഷ്ണന്‍കുട്ടി മരണപ്പെട്ടത്.

Follow us on :

More in Related News