Kaduthuruthy organised a "Kattathattu"drama workshop under the chairmanship of Nataka Kottayam District Committee at Gauri Sankaram Auditorium

കടുത്തുരുത്തി : നാടക് കോട്ടയം ജില്ലാ കമ്മിറ്റിയുടെ നേതൃത്വത്തിൽ നാടക രചന ,സംവിധാനം എന്നിവ ഉൾക്കൊള്ളിച്ചു കൊണ്ട് കളിത്തട്ട് എന്ന നാടക ശിൽപശാല കടുത്തുരുത്തി ഗൗരി ശങ്കരംഓഡിറ്റോറിയത്തിൽ വച്ച് നടത്തി... നാടക് കോട്ടയം ജില്ലാ സെക്രട്ടറി കെ.എസ്.സോമശേഖരൻ ശിൽപശാല ഉദ്ഘാടനം ചെയ്തു കൊണ്ട് നാടക പഠന പദ്ധതിയുടെ വിശദമായ രൂപരേഖ അവതരിപ്പിച്ചു സംസാരിച്ചു. ജില്ലാ പ്രസിഡൻറ് കെ രമേശൻ വൈക്കം അധ്യക്ഷത വഹിച്ച യോഗത്തിൽ ബാബു ജോസഫ് സ്വാഗതം ആശംസിച്ചു,

ക്യാമ്പ് ഡയറക്ടർ ജോസ് കല്ലറക്കൽ, നാടക രചന സങ്കേതങ്ങളെയും എഴുത്തിൻറെ വഴികളെയും നാടക സംവിധാന നിർവഹണത്തെക്കുറിച്ചും വിശദമായി ക്ലാസ് നടത്തി.. സംസ്ഥാന ജോയിൻ്റ് സെക്രട്ടറി സി കെ അജയൻ, കോട്ടയം മേഖല പ്രസിഡൻറ് കെ പി പ്രസാദ് , തലയോലപ്പറമ്പ് മേഖല സെക്രട്ടറി കെ ജി ചന്ദ്രൻ , കടുത്തുരുത്തി മേഖല പ്രസിഡൻറ് കെ എം വിജയൻ , എന്നിവർ ക്യാമ്പിൽ വിവിധ വിഷയങ്ങൾ അവതരിപ്പിച്ച് സംസാരിച്ചു.. ബാബുരാജ് വട്ടക്കാട്ടിൽ, കടുത്തുരുത്തി മേഖലാ സെക്രട്ടറി ജോഷി ചാക്കോ എന്നിവർ ക്യാമ്പ് ഡിസൈനിംഗ് നടത്തി.. - ജില്ലയുടെ വിവിധ മേഖലകളിൽ നിന്നായി തെരഞ്ഞെടുക്കപ്പെട്ട 30 പേർ ക്യാമ്പിൽ പങ്കെടുത്തു. തുടർന്നും പരിശീലന പരിപാടിയുടെ വിവിധ ഘട്ടങ്ങൾ ഉണ്ടാകുമെന്ന് ജില്ലാ സെക്രട്ടറി അറിയിച്ചു..

വൈക്കം നാണപ്പൻ അവതരിപ്പിച്ച ഏകപാത്ര നാടകവും പ്രതിനിധികളുടെ നാടക പാട്ടുകളും പരിപാടിക്ക് മിഴിവ് കൂട്ടി ...