Tue Dec 12, 2023 10:56 PM 1ST

Location  

Sign In

ബ്രഹ്മമംഗലം മേതൃക്കോവിൽ മഹാശിവക്ഷേത്രത്തിൽ ഉത്സവത്തിന് ഫെബ്രുവരി 4 ന് കൊടിയേറും.

02 Feb 2025 20:58 IST

santhosh sharma.v

Share News :

തലയോലപ്പറമ്പ്: ബ്രഹ്മമംഗലം മേതൃക്കോവിൽ മഹാശിവ ക്ഷേത്രത്തിലെ ഉത്സവം ഫെബ്രുവരി

നാലുമുതൽ ഒൻപതുവരെ നടക്കും. ഉത്സവത്തിന് മുന്നോടിയായി മേലേടത്തുകാവ് ഭഗവതി ക്ഷേത്ര മൈതാനിയിൽ നിന്നും ഞായറഴ്ച വൈകിട്ട് വാദ്യമേളങ്ങളുടെ അകമ്പടിയോടെ ക്ഷേത്രത്തിലേക്ക് നടത്തിയ തിരുവുത്സവ വിളംബരഘോഷയാത്ര ഭക്തിസാന്ദ്രമായി. ക്ഷേത്രം ചെയർമാൻ പി.കെ ദിനേശൻ, വൈസ് ചെയർമാൻ പി.ജി രാജേന്ദ്രൻ, സെക്രട്ടറി എൻ.നാരായണൻ, ജി.സോമൻ, പി.ശശിധരൻ, എസ്.ജയപ്രകാശ്, പി.ജി ശ്രീവത്സൻ, ഭാരവാഹികൾ തുടങ്ങിയവർ നേതൃത്വം നൽകി.

ഇന്ന് (ഫെബ്രുവരി 3) തിങ്കളാഴ്ച വൈകിട്ട് അഞ്ചിന് കൊടിക്കൂറ -കൊടിക്കയർ സമർപ്പണഘോഷയാത്ര. നാലിന് രാവിലെ ഒൻപതിന് കൊടിമര ഘോഷയാത്രയും വൈകിട്ട് അഞ്ചിന് കുലവാഴ പുറപ്പാടും നടക്കും. രാത്രി എട്ടിന് തന്ത്രി മനയത്താറ്റുമന ആര്യൻ നമ്പൂ തിരിയുടെ മുഖ്യകാർമികത്വത്തിൽ കൊടിയേറ്റും. അഞ്ചിന് രാത്രി ഏഴിന് തിരുവാതിര, 7.15-ന് ഭജന, ആറിന് രാത്രി ഏഴിന് വയലിൻ, 7.30-ന് തിരുവാതിര, എട്ടിന് ഓട്ടൻതുള്ളൽ, ഏഴിന് രാത്രി ഏഴിന് ഹിന്ദുസ്ഥാനി സംഗീതം, എട്ടിന് കഥകളി, എട്ടിന് രാവിലെ 11.30-ന് ഉത്സവബലി ദർശനം, ഉച്ചയ്ക്ക് അന്നദാനം, രാത്രി ഏഴിന് തിരുവാതിര, 8.30-ന് വലിയവിളക്ക്, വലിയകാണിക്ക. ഒൻപതിന് ഉച്ചയ്ക്ക് 12.30-ന് ആറാട്ടുസദ്യ, വൈകിട്ട് അഞ്ചിന് കൊടിയിറക്ക്, തുടർന്ന് ആറാട്ട് പുറപ്പാട്, രാത്രി ഏഴിന് കല്ലുകുത്താംകടവിൽ ആറാട്ട്, തുടർന്ന് ആറാട്ട് തിരിച്ചെഴുന്നള്ളിപ്പ് എന്നിവയാണ് പ്രധാന ഉത്സവ പരിപാടികൾ.

Follow us on :

More in Related News