Parappanangadi Municipality with Popular Intervention Against Drug Abuse.

പരപ്പനങ്ങാടി : ലഹരിക്കെതിരെ ജനകീയ ഇടപെടലുമായി പരപ്പനങ്ങാടി നഗരസഭ.

ലഹരിക്കെതിരെ കൈകോർക്കാം എന്ന മുദ്രാവാക്യം ഉയർത്തി പിടിച്ച് കൊണ്ടാണ് പരപ്പനങ്ങാടി നഗരസഭ കൺവൻഷൻ സംഘടിപ്പിച്ചത്. രാഷ്ട്രീയ പാർട്ടി, യുവജന, വിദ്യാർത്ഥി സംഘടനകളുടെയും ക്ലബ്ബുകളുടെയും, പോലീസ്, എക്സൈസ് വകുപ്പുകളുടെയും യോഗമാണ് നടന്നത്.

പരപ്പനങ്ങാടി നഗരസഭയിൽ വെച്ച് നടന്ന കൺവൻഷൻ നഗരസഭ ചെയർമാൻ പി പി ഷാഹുൽ ഹമീദ് ഉദ്ഘാടനം നിർവഹിച്ചു.

ഡെപ്യുട്ടി ചെയർപേഴ്സൻ ബി പി സാഹിദ അധ്യക്ഷത വഹിച്ചു.

ലഹരി എന്ന മഹാ വിപത്തിനെ ഒറ്റക്കെട്ടായി നേരിടാനും തീരുമാനിച്ചു.

നഗരസഭ ചെയർമാൻ അധ്യക്ഷനായി വിവിധ രാഷ്ട്രീയ പാർട്ടി പ്രതിനിധികളെയും, പോലീസ്, എക്സൈസ് വകുപ്പുകളെയും ഉൾപെടുത്തി ലഹരിക്കെതിരെ മുനിസിപ്പൽ ജാഗ്രത സമിതി രൂപീകരിക്കാനും തീരുമാനിച്ചു. ഏപ്രിൽ മാസത്തിൽ എല്ലാ ഡിവിഷനുകളിലും ലഹരിക്കെതിരെയുള്ള ബോധവൽകരണ തെരുവ് നാടകം ഗ്രാമിക പള്ളിപ്പുറത്തിൻ്റെ ആഭിമുഖ്യത്തിൽ

നടത്താനും തീരുമാനിച്ചു.

മുഴുവൻ ഡിവിഷനുകളിലും കൗൺസിലർമാരുടെയും കുടുംബശ്രീ, സി ഡി എസ് മെമ്പർമാരുടെയും നേതൃത്വത്തിൽ ഡിവിഷനിലെ എല്ലാ വിഭാഗം ജനങ്ങളെയും ഉൾകൊള്ളിച്ച് കൊണ്ട് ജാഗ്രത സമിതി രൂപീകരിക്കാനും,

ഓരോ ഡിവിഷനിലും നാലോ അഞ്ചോ ക്ലസ്റ്ററുകൾ രൂപീകരിച്ച് അടിത്തട്ടിൽ നിന്നും ക്യാമ്പയിൻ ആരംഭിക്കാനും തീരുമാനിച്ചു..

സ്കൂൾ തുറക്കുന്ന ജൂൺ മാസത്തിൽ

ലഹരിക്കെതിരെ വിദ്യാർത്ഥി ചങ്ങല

നടത്താനും തീരുമാനിച്ചു.

സ്റ്റാൻഡിങ് കമ്മിറ്റി ചെയർപേഴ്സന്മാരായ സീനത്ത് ആലിബാപ്പു, വി കെ സുഹറ ടീച്ചർ, കെ പി മുഹ്സിന, കൗൺസിലർമാരായ തുടിശ്ശേരി കാർത്തികേയൻ, സുമി റാണി,

മറ്റു കൗൺസിലർമാർ, പോലീസ് സബ് ഇൻസ്‌പെക്ടർ പരമേശ്വരൻ, എക്സൈസ് ഇൻസ്‌പെക്ടർ ഷനൂജ്, സിസിഎം ജയചന്ദ്രൻ വിവിധ സംഘടനകളെ പ്രതിനിധീകരിച് കൊണ്ട് ഉമ്മർ

ഒട്ടുമ്മൽ, അലി തെക്കേപാട്ട്, ധർമ്മരാജൻ, അബ്ദുറഹിമാൻ മാസ്റ്റർ, സുധീഷ്, ചോനാരി, കുഞ്ഞിമുഹമ്മദ്, അഷ്‌റഫ്‌ കുഞ്ഞാവാസ്, അഷ്‌റഫ്‌ ശിഫ, ഡോക്ടർ ഹാറൂൺ റഷീദ്, സകീർ പരപ്പനങ്ങാടി, അഡ്വ റഹീം, കെ പി നൗഷാദ്, അജീഷ്, മനാഫ് എന്നിവർ സംസാരിച്ചു.