CPM's policy of subverting development plans is immoral: K Praveen Kumar

പേരാമ്പ്ര: രാഷ്ട്രീയത്തിൻ്റെ പേരിൽ വികസന പദ്ധതികൾ അട്ടിമറിക്കുന്ന സി.പി.എം നിലപാട് പ്രതിഷേധാർഹമെന്ന് അഡ്വ.കെ. പ്രവീൺ കുമാർ.ഷാഫി പറമ്പിൽ എം.പിയുടെ ഫണ്ടിൽ നിന്നും പേരാമ്പ്ര താലൂക്ക് ആശുപത്രിക്ക് അനുവദിച്ച ആംബുലൻസ് സ്വീകരിക്കാത്ത പേരാമ്പ്ര ബ്ലോക്ക് പഞ്ചായത്ത് നീക്കത്തിൽ പ്രതിഷേധിച്ച് ബ്ലോക്ക് കോൺഗ്രസ് കമ്മറ്റി സംഘടിപ്പിച്ച പ്രകടനവും പൊതുയോഗവും ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. റോഷൻ കടയിൽ അരിയില്ല. ആശുപത്രിയിൽ മരുന്നുമില്ല. കേരള ചരിത്രത്തിലെ കെട്ട കാലമായി പിണറായിയുടെ

ഭരണകാലം വിലയിരുത്തുമെന്നും അദ്ദേഹം പറഞ്ഞു.

ബ്ലോക്ക് കോൺഗ്രസ് വൈസ് പ്രസിഡൻ്റ് പി.എം. പ്രകാശൻ അധ്യക്ഷത വഹിച്ചു. ഡി സി സി ജനറൽ സെക്രട്ടറിമാരായ രാജൻ മരുതേരി ,മുനീർ എരവത്ത്,പി.കെ. രാഗേഷ്, യൂത്ത് കോൺഗ്രസ് ജില്ലാ വൈസ് പ്രസിഡൻ്റ് എസ്.സുനന്ദ്, കെ.എസ്.യു ജില്ലാ പ്രസിഡൻ്റ് വി.ടി. സൂരജ്,പി.എസ് സുനിൽകുമാർ, കെ.സി. രവീന്ദ്രൻ, അശോകൻ മുതുകാട്, ഷാജു പൊൻ പറ, മിനി വട്ടകണ്ടി, സൈറാബാനു, ജസ്മിന മജീദ്, സായൂജ് അമ്പലകണ്ടി, അഭിമന്യു, സംസാരിച്ചു. മോഹൻ ദാസ് ഓണിയിൽ,വിനോദൻ കല്ലൂർ, ഒ.എം. രാജൻ മാസ്റ്റർ, ഇ ടി സത്യൻ, ഷിജു കെ.ദാസ് ,മായിൻകുട്ടി കെ.പി,ഗിരിജാ ശശി, ഗീത കല്ലായി, ചിത്ര ടീച്ചർ നേതൃത്വം നൽകി. വി .പി. സുരേഷ് സ്വാഗതവും പി.എസ്. സുനിൽകുമാർ നന്ദിയും പറഞ്ഞു.

Tags:

General