Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
02 Mar 2025 21:44 IST
Share News :
മലപ്പുറം : വയനാട്ടിലെ ഉരുള്പൊട്ടല് ദുരന്ത ബാധിതർക്ക് മുസ്ലിം ലീഗ് പ്രഖ്യാപിച്ച 100 വീടുകള് സ്വന്തംനിലയ്ക്ക് നിർമിച്ചുനല്കുമെന്ന് മുസ്ലിം ലീഗ് ദേശീയ രാഷ്ട്രീയകാര്യ സമിതി അധ്യക്ഷനും സംസ്ഥാന പ്രസിഡന്റുമായ പാണക്കാട് സാദിഖലി ശിഹാബ് തങ്ങള്. സ്ഥലം കണ്ടെത്തിക്കഴിഞ്ഞെന്നും സർക്കാർ തീരുമാനത്തിന് കുറേ കാത്തുനിന്നെന്നും സാദിഖലി ശിഹാബ് തങ്ങള് പറഞ്ഞു.
100 വീടുകള് നിർമിക്കുന്നതിനുള്ള സ്ഥലം കണ്ടെത്തിക്കഴിഞ്ഞു. സർക്കാരിന്റെ തീരുമാനം ഞങ്ങള് കുറേ കാത്തിരുന്നു. പക്ഷേ, വൈകിപ്പോകുന്നതില് ഞങ്ങള്ക്ക് ബുദ്ധിമുട്ടുണ്ട്. വൈകാതെതന്നെ അവിടെ പുനരധിവാസം ഉറപ്പുവരുത്തണം. അതിനുവേണ്ടി മുസ്ലിം ലീഗ് തന്നെ സ്ഥലമെടുത്ത് ബാക്കി പ്രവർത്തനങ്ങളുമായി മുന്നോട്ട് പോകും, ശിഹാബ് തങ്ങള് മാധ്യമങ്ങളോട് പ്രതികരിച്ചു.
റമദാന് ശേഷം വീടുകളുടെ നിർമാണം തുടങ്ങുമെന്ന് പി.കെ. കുഞ്ഞാലിക്കുട്ടി അറിയിച്ചു. നോമ്പ് കഴിഞ്ഞാലുടനെ വീടുകളുടെ പണി തുടങ്ങണം. അതുകൊണ്ട് ഇനി കാത്തിരിക്കാൻ ബുദ്ധിമുട്ടുണ്ട്. കാരണം ജനങ്ങളോട് മറുപടി പറയേണ്ടതല്ലേ. അതുമാത്രമല്ല, ഇപ്പോള് കണ്ടിരിക്കുന്ന സ്ഥലം ടൗണിനോടടുത്താണ്. അനുയോജ്യമാണ് എന്ന് തോന്നി. സർക്കാരിന്റെ സഹായം എല്ലാവർക്കും കിട്ടുമല്ലോ, കുഞ്ഞാലിക്കുട്ടി പറഞ്ഞു.
Follow us on :
Tags:
More in Related News
Please select your location.
